印象中香港都曾經將唔少街頭變成概念美食街，例如早期紅磡的「加太賀」、銅鑼灣的「拉麵橫町」等，在包裝上都算是一種噱頭，可惜都係做唔住。
時空嚟到早幾日，我在尖沙咀和 J 小姐傾完公事，一起吃 lunch，隨處行無意中找到了在今年四、五月份開幕的「日本美食橫町」，又係玩飲食 concept。
入到去自成一閣，全個地帶都是吃日本菜。包裝雖然叫做「日本美食橫町」，說穿了其實就是一個 food court。可能小弟無留意，真係唔係好覺尖沙咀有這個美食地帶，J 小姐常常在尖沙咀出沒也說不太留意到這地方，看來宣傳方面應該要再下些苦功？！Anyway，一場來到即管光顧一下。
整個場地蠻大的，佈置明顯花過心思，中午人客卻極少。那刻我心諗，而家還用這種「日本概念」去做包裝是否有點 out ? 大家成日話去日本旅行等如返鄉下，機票又咁平， weekend 或短假有機會不如直接飛去當地食日本菜，會有幾多人在這個「橫町」區，困住返頭幫襯呢？
找到了一間吃手握壽司的叫「鮨愛」，全場除了我們就只有另外兩位人客，坐得舒服的，吧枱也方便兩人傾偈。
餐廳中午供應一系列套餐 (全部包味噌湯、茶碗蒸及漬物)，就各來一份吧！
我的「手握八貫壽司盛」$98
「赤身壽司」
吞拿魚背不含油脂的部位，肉呈紅色，因為魚肌裏面含有大量肌紅蛋白；而且含脂量少、我也常吃。
肉質實在，新鮮有咬口、魚味濃，手握壽司飯細細件，不錯。
「中拖羅壽司」
顏色粉紅，因為此吞拿魚部位的肉脂比例較高：
魚鮮恰到好處，魚油也甘香，中午吃不會太肥滯。
「油甘魚壽司」
「三文魚壽司」
「牡丹蝦壽司」
蝦甜美且具新鮮的黏口感，若果蝦頭可以炸來吃或用來煮味噌湯就更愜意：
「八爪魚壽司」
「鰻魚壽司」
「蟹籽軍艦」
隨餐附上的「味噌湯」
「茶碗蒸」
J 小姐的「北海道三色魚生飯」$88
整體吃後感我們一致覺得不差，就是欠了點宣傳；個場唔起都起咗咯，可以搞一些 gimmick，例如逢星期三切原條吞拿魚等等，記得要俾人知，應該可以替這寂靜的埸帶些生氣與人氣。
好啦，食完飯，我想在 IG 出返個 story，點知間餐廳連 location 都未 set，真係想打個卡都唔知餐廳名。。。餐廳電話又無提供，想直接叫外賣或者訂位都唔知點。總結，其實 marketing 方面係咪可以做得更加好呢？有時無食客，都唔可以怪人，出品同包裝、服務幾咁好，都要有人知㗎，係咪？！
「鮨愛」
地址：尖沙咀廣東道30號新港中心2樓 (日本美食橫町)
電話：從缺
營業時間：星期一至日 11:00-22:00