前日和 K小姐食午餐，去到「國際交易中心」平台，通常來到這裡朋友們都會拉我去另一間西餐廳「Sparkling Wine Seafood & Oyster Bar」食蟹餅漢堡和 pizza (相關舊文)，總沒有機會試隔鄰這間「Chill Café Bar & Grill」。
今次難得 K小姐願意，那就一起試新嘢吧！此餐廳有戶外有室內，前天因為下雨，戶外關閉起來：
室內設計尚算精緻，枱與枱之間不算寬闊，這個值得體諒，午市可做多兩枱客，但感覺就不會如店名般「Chill」。。。
它有一列落地玻璃，不知為何，當日天陰陰，窗簾都是半蓋上，令室內光線黑上加黑。這是由下向高抄影的角度：
午餐主打食西式 Set Lunch，意法英美乜款都有。Set Lunch 只有主菜加餐飲，另 +10%，個人覺得怎算也不能說是便宜。如果想要頭盤沙律、餐湯 (今天是粟米湯)，要逐樣另加$15；若要甜品再另加$28，咖啡改做 Latte 又要另加$12。Anyway，我們乾脆什麼都不加，先試一下餐廳的主菜實力，否則每個人埋單都要 $200幾。
直上主菜，很快就到，應該是一早弄好？！我的選擇「Grilled New Zealand Rib Eye, 10 oz」$168＋10%
我心想這餐廳叫「Grill」，食燒牛扒應該穩陣吧？！點餐的時候，指明要 medium rare，可惜事與願違，牛扒明顯煮得太熟，肉質鞋到像湯渣般：
我會先歸咎於本身塊肉眼部位不靚，是塊有很大的筋配大塊全瘦肉的扒，丁點肉眼扒應有的軟熟也沒有。食材不靚，巧婦已難為無米之炊；加上廚師用爐燒，成塊肉像老人臉一般乾，半點肉汁都沒有。
醬汁分別有茄汁、芥末和只有顏色沒有味道的燒汁，蔬菜擺盤也甚凋零，薯條油淋淋的，結果成碟小弟吃了一半就放棄了，是十萬個後悔！
其實本來想向餐廳反映，點知咁啱得咁橋，哈，餐廳經理原來是 K小姐的初中同學，在今次相隔10幾年後相認了。見他們笑哂滔滔不絕，我也不好意思壞氣氛，對食物默不作聲就算了。。。
K小姐的「Oven Roasted Iberian Pork Fillet, Mixed Veggies」$138 + 10%
淺嘗了少許，感覺也很怪，名字叫焗西班牙豬柳，都是有色無味，豬柳感覺似肉絲，份量也不多。那幾粒車厘茄，聊勝於無，真的很求其地放在碟上作為擺盤，也不太如菜名叫「Mixed Veggies」：
最後上的 regular coffee，一熱一凍，正常：
服務方面，好聽點你可以稱之為熱情，說實話其實有點囉嗦。食到一半，有位女侍應不停走來問：「仲要唔要呀？」，態度禮貌是好的，但就有點騷擾及催促的感覺。都話未食完囉，她卻問完又問又再問，唔知好嬲定好笑 XD
最後埋單走人，我和 K小姐一致裁定：中伏鳥，無下次！感覺唔 Chill，Grill 的食物又差勁，不知有否愧於餐廳的店名呢？
伸延閱讀：金話莓系列
「Chill Café Bar & Grill」
地址：九龍灣宏照道33號國際交易中心平台2樓平台花園
電話：2420 0363
營業時間：星期一至四 1200-22:00，星期五至六 12:00-22:30，星期日及公眾假期休息