2024年5月26日星期日

燒之印度火西施

離不開 留不低」是叫好叫座電影「九龍城寨之圍城」海報上的 slogan,看上去六隻字已好似有聲咁。。。因為係來自憶蓮廣東快歌「」其中一句歌詞,而「」的 remix 版歌名就係叫「燒之印度火西施」。。。


我都睇咗,的確好戲,拳拳到肉、節奏緊湊、演員也做得好 (尤其對林峯另眼相看!) 加上動指、美指明顯有下過功夫,出年「香港電影金像獎」估計會係大熱贏家。。。

咳咳。。。又講遠咗,今日想講下印度菜。很多朋友覺得食印度菜都會是超辣,其實印度菜系有分南方及北方口味,北方著重香味,而南方則會偏辣及鹹。

今次看完戲來吃飯的這店,雖不是印度餐廳,其中廚師卻是有印度人主理。餐廳主打一系列西歐菜系及印度菜,侍應全是外籍朋友,來光顧的一眾老饕有不少也是老外,外國氣氛濃郁:



間隔有室內有戶外:


開胃菜「Caesar Salad with Smoked Salmon」HK$190

有羅馬生菜、切碎的巴馬臣芝士、脆麵包粒、沙律醬等:


大家知唔知「凱撒沙律」其實係起源自墨西哥的呢?故事起源係在1924年有位「凱撒先生」,喺墨西哥做意大利餐廳老闆同廚師,有次餐廳耗盡了廚房內所有的食材,因此他用僅剩的材料,就製作出了「凱撒沙」,咁而家呢個沙律都遍佈世界各地,大家都唔陌生。

沙律菜冰凍爽脆,食落味道不寡,酸酸咪咪夏天醒胃菜,蠻對我胃口,反而用 $60 top up 加的煙三文魚就無感,不搭配,建議可省略。。。

Spicy Chicken Wings」HK128

炸雞中翼伴印度辣椒汁及乳酪醬,炸得非常鬆脆,且重點肉汁能有所保留:

別輕看這個小食,易做難精,很容易會弄到乾柴柴:

辣汁辣到湯嘴,唔食得辣就真係唔好掂,真係會「留不低」。。。

印度烤雞「Chicken Tikka Sizzles」HK$215

用鐵板上聲音「嘶哩嘶哩」,兩塊嫩雞扒配上辣味提卡醬香氣撲鼻,保持威勢,可謂五感的享受:

雞仍是嫩滋滋地好吃,略帶焦香,沒燒得過火,仍保持 juicy 度,加檸檬汁更令味道有所提升:

伴隨印度烤雞送上「Garlic Naan Bread」配乳酪醬、薄荷醬:

包面頭已有蒜蓉,新鮮烤起,香口。印度薄餅其實也分很多種,有三角形的 Naan、圓形的 Roti、似蔥油餅的 Paratha,還有鬆化的胡椒餅,我最喜歡始終是是 Naan (若用來點咖喱汁就更一流):

吃到這裏和家人已經飽到不得了。此店逢星期五、六晚有 live band 及肚皮舞表演,人客也可以跳舞,來個週末放鬆,或許真的可以盡興到「離不開」 XD




「A Tavóla Bar and Grill」

地址:東涌海濱路8號海堤灣畔地下E & F鋪

電話:2321 5500

營業時間:星期一至日 12:00-01:00



若你喜歡此
部落格,也請你 like 一 like 和 follow,感激!

沒有留言:

發佈留言

Related Posts Plugin for WordPress, Blogger...