大家無睇錯，熟悉我們兩人的朋友們，其實曾某年某一天某地 (有請 Kelly 出場。。。)，我哋兩個的確認咗做哎呀兄妹，印象中好似係當時互問你年齡大啲定我大啲，結果係我大啲，跟住就話我係妳哎呀啊哥。。。不過此話題和哎呀關係我們沒有常常掛在口邊。
話時話，印象中疫情以後都好耐無同 C 小姐食飯傾偈，今次特別抽空與她慶生，齊齊飲茶吃點心。她有一句名句：「我真係好鍾意飲茶！」咁就啱晒啦。
今回挑了「逸東酒店」的「逸東軒」，屬同系「朗廷酒店」旗下，上次吃過點心水準非常好，它近年也紅爆飲茶界，自2017年起擁有米芝蓮一星，還不時做不同點心優惠，難怪長期難 book位。
這裏點心勝在即點即蒸，熱辣辣出爐。我們邊傾偈邊吃，慢慢食笑到肚痛，實在太多嘢要 update，彷彿仲有 2000 個話題未傾完咁 XD
邊食邊講，先來「XO醬蒸鮮魷」$65
魷魚肉爽彈不老，蒸得沒過火，也沒過份的調味，一丁點 XO 醬吊鮮，我自己就很喜歡：
C 小姐飲茶必叫的「豉汁蒸鳳爪」$52
這個我沒有和她爭，因為她豪氣地說這是她的「非弗」，一個人可以隊晒成碟！
「焗酥皮叉燒餐包」$52
新鮮焗起的叉燒餐包，應該都無乜會食豬肉的朋友唔鍾意吧？！
如你喜愛包點類，應該不會失望而回。
「春風得意腸」$65
晶瑩剔透的腸粉皮包着炸春卷，淋上黑醬油沾在腸粉上，趁熱食的外柔內剛，可以完全不用點甜醬、麻醬已夠好吃：
「薑汁荷塘玉蘭遠」$178
之後當然就是為壽星女送上「壽桃」$60，並祝福許願：
多謝 David 哥當日幫手為我們預備生日蠟燭驚喜，他還為我們送上甜品：
「芒果糯米糍」
「湯圓紅豆沙」，是真 • 起沙：
總結這一餐，點心絕對高水準，受歡迎實在有它的道理。結果我哋兩個傾偈傾到人哋打烊先捨得走，下次要再約食飯，太多人物和話題未傾完。
最後哎呀啊哥 ㊗️ 壽星女每日都咁愉快開心，日日無煩惱，最緊要身體健康，生日願望成真！❤️
「逸東軒」
地址 : 佐敦彌敦道380號香港逸東酒店B2樓層
電話：2710 1093
營業時間：10:00-22:00