今日想聊一聊「便當」這個課題。它給我的定義，是實用為主，純粹快靚正醫肚。在香港，另一個名，就係「飯盒」？！
在「飯聚令」條例下，餐廳生意成為重災區，我盡量都會支持食店去買外賣或便當。學某公關話齋：「而家無咩嘢係唔可以外賣」，算是苦中作樂吧。
記得幾年與某女博客一同去了「高雄啤酒節」，她說她十分喜愛吃台灣的便當，會瘋狂到在便利商店買回香港吃！另外亦有很多朋友喜歡日本的便當；當然喜歡一定有原因，它們便當都是排得靚靚仔仔，望落係幾吸睛，甚至乎不比堂食差。
以下是近期吃過的不同「便當」，來個巡禮，睇下有無一款對你胃口？
======
公司有新同事入職，中午有人提議乾脆叫「和民」便當回來吃，平均每人 $120，質素卻平平，真係平過鄧月平 (話時話我都好耐無食過「和民」)
我的「滑蛋豬柳飯便當」，蛋不滑，豬肉條甚乾柴柴，而且餸比較少，係面個浸：
最後剩返一堆飯，我在乾脆用私伙的剁椒來撈飯吃。。。
有人好耐無幫襯過吉x家，那就叫個「東京牛肉飯便當」過過癮，牛肉真的不多：
「燒鯖魚便當」，評價是不腥：
令大家甚失望的「北海道十勝豚肉飯炸雞便當」，看 menu 圖片是幾款食物大集合，現實卻沒有想像中豐盛，也很乾：
下次應該不會再 encore 了，sorry !
======
「京川滬」
可能吃慣了家裏上海菜口味，這間上海菜的便當都做得好，它可以配一件點心例如熱辣辣的蘿蔔絲酥餅或素春捲，再加小菜例如干扁四季豆、糖醋魚、賽螃蟹、油炆筍等等，精緻企理的便當盒也有加分：
它的「上海三鮮炒麵」，絕對有做出濃油赤醬的神髓：
======
「大快活」
基本上每次來到的鐵膽都好會叫「阿活咖喱牛腩飯」
另外而家佢推的是「咖喱炸雞飯」，咖喱汁另上，個人吃過味道還不錯。始終佢個咖喱汁膽做得好，濃香帶微辛，用來點炸雞也匹配：
有時趕時間，就叫個「焗豬扒飯」，不會難食到哪裏，穩穩陣陣之選：
======
「尚蓮」位於東薈城4樓，不要誤會它是素食店，其實是吃東南亞菜。「鳳梨軟殻蟹海鮮炒飯」$92
菠蘿份量蠻多，香甜，而且加了肉鬆提香，不過其餘海鮮則寥寥可數。
搭多兩個小菜，「雞肉沙嗲」$68 / 四串，見到時有點昏過去，賣相亂糟糟。。。話時話，這裏有四串麼？
無感的「蝦醬炒通菜」$68
整體食物偏貴，外賣有八五折，算不算是瑕不掩瑜？
======
「Essence」
「海南雞飯」
另外酒店在做點心任食，試買了幾款點心來吃，都強差人意。。。
蝦餃皮太口，燒賣肉太實，牛肉球算最正常，有下馬蹄增強口感：
======
講到尾都係果句，希望疫情快點受控，有返全天候堂食，始終「便當」，不是我最喜愛的飲食模式。
