之前分享過炒嫩蛋心得 (相關舊文)，而家就嚟逐間講吓。「四季常餐」相信大家都不會陌生，在中環已成了茶餐廳熱點，以招牌滑溜炒蛋聞名。
這餐其實已吃了好一陣子，一直未有時間寫。當日光顧時仍要排長龍，店就憑著普通不過的常餐，贏得居民和上班族的歡心，相信就是食物背後的心機吧。
常餐盛惠 $48，在中環區來說是合理：
「真 • 忌廉雞湯通粉」，湯底參考了日本雞白湯的做法，用雞骨、雞殼、豬骨等熬製，再加了一點點日本米，增加湯底的厚度。呷一口，確甜，精華所在：
通粉是有坑紋的懷舊款式，口感富彈性，也更有「佬」味：
一片金黃色的炒滑蛋沒有加忌廉或牛奶，反而是三合一：以美國蛋、日本蛋、湖北蛋混合而成，取前者的滑溜，以及後兩者的蛋香和色澤，加油快火炒：
個人覺得炒蛋口感是滑溜的，且甚富有蛋香，鍾意食炒蛋人士該會收貨。質地略嫌比較水汪汪，可能用嚟撈飯會更適合：
餐包的厚多士，是以明火烤至香脆，真 • grilled，入口香脆，絕對有加分：
最後包茶檸啡一杯：
這裏也少不了有碟頭飯，當日目測有很多朋友在吃「叉燒炒蛋飯配秘製豉油汁」，賣相幾靚仔，可以想像到滑蛋配半肥瘦叉及牛油渣的美味，下次我會吃這個。
===========
食完走人埋單，眼見隔離另一間茶餐廳，都推出了 A 貨常餐2.0，賣相差好遠喎。要抄，係咪都可以抄得好啲呢 :
好，下集講另一間！
「四季常餐」
地址：中環威靈頓街112-114號新威大廈地下C舖
電話：3594 6612
營業時間：8:00am – 5pm，星期日休息