番茄之味 • 紅色誘惑 🍅

今集想講吓「番茄」這個課題，看一看手機相簿原來有很多番茄的出現，確是我很喜歡吃的食材。

細個嗰陣，媽咪成日話「番茄有益」，逼我哋飲番茄湯；大個咗，反而自己愛上番茄酸甜的滋味，就如人生。。。無論係屋企快炒一個意粉，定係出街食專番茄湯底，我都很喜愛。

番茄的營養價值及對身體有很好益處，它含有豐富茄紅素，是一種很強嘅抗氧化劑，可以幫身體清除自由基，減慢細胞老化，有助降低心血管疾病風險。除此之外，番茄當然仲有豐富嘅維他命C、膳食纖維等等，熱量低之餘又飽肚，啱晒我呢啲正在「減肥」的人士 XD

不如講吓生吃番茄與熟吃番茄的對身體益處的分別？其實兩種食法各有千秋，同埋睇吓你嘅喜愛。生吃番茄，可以保留最多維他命C同植化素，這些營養素不耐熱，一煮就容易流失。所以車厘茄最啱生食，就咁食或者做沙律，都 good。

熟吃番茄，雖然會流失部分維他命C，茄紅素釋放反而會增加。因為加熱會破壞番茄嘅細胞壁，令茄紅素更容易被身體吸收。煮番茄嗰陣最好加啲油，因為茄紅素屬脂溶性，有油可幫助身體吸收。

有時在家裏我會做「番茄欖油炒意粉」、「番茄魚蛋粉」，夠快手：

假日有空閒時間一係就去尖沙咀香檳大廈地庫以前嘅「星座冰室」，一係就去中環「勝香園」，呢間真係食足10幾年。。。此鐵皮屋大排檔，幾十年嚟都係咁多人排隊，唔少遊客專程慕名而來。「番茄煎蛋公仔麵」HK$37，番茄真材實料，上枱會見到一大杷番茄蓉鋪喺麵上，撈勻後成碗湯變成鮮紅色，濃郁得嚟帶天然酸甜，再配搭奶茶同埋脆豬，食完即時變做開心仔：

平日中午食 lunch 也經常在公司附近吃番茄米線，「農場番茄濃湯腐皮竹笙米線」HK$50 配「炸豬扒」HK$24

我最常吃組合。番茄湯底濃稠適中，飲得出有落足番茄熬，唔係「稀寥寥」。竹笙索湯，一咬爆汁：

通常我會加炸豬扒 ，外脆內嫩，同番茄湯意外地夾：

有時轉下口味，會試不同餸菜配搭，「農場番茄濃湯腐皮炆牛肚米線」HK$50

「農場番茄濃湯腐皮滷水豬大腸米線」HK$50

「農場番茄濃湯腐皮香酥豬頸肉米線」HK$50 配「蜜糖檸檬炸雞扒」HK$24

有時想吃多肉一點，就會吃「農場番茄濃湯滷水豬大腸香酥豬頸肉米線」HK$50 配「炸豬扒」HK$24

以上都係一次過滿足我幾個願望。重點係個番茄蓉湯底：

講開米線，順便講埋「譚仔三哥」啦，間唔中都有幫襯。雖然多數人來是吃辣，我卻成日覺得個嘅番茄湯底被低估。「番茄湯底竹笙米線」配「煎素腐皮卷」 (價錢忘記了）

湯底酸甜適中，適合唔食辣嘅朋友仔。竹笙索湯力強，算係我必點餸。另外加煎素腐皮卷，小弟私心推介，都 dope ！腐皮卷煎得金黃香脆，裡面餡料爽口，同番茄湯底意外地夾：

由屋企廚房嘅簡單快炒，到街頭大排檔經典茄湯，再到連鎖米線店配搭，番茄可塑性很高。這個紅色誘惑，生食做沙律清甜爽脆，熟食濃郁開胃。你呢？你又鍾意食邊款番茄菜式？

若你喜歡此部落格，也請你 like 一 like 和 follow，感激！

https://www.facebook.com/siuyeahdragon