合作企劃

2021年7月21日星期三

《港台節目》開心日報 - 南美墨西哥菜

分享一下今個月在 RTHK 1 開咪做的「開心日報」,今集拍檔有蘭子、桂林哥、Ada,主題是「南美墨西哥菜」。


今集想帶大家感受一下熱帶氣氛,配合夏天嘛。提起墨西哥菜,第一時間想起綠色勁辣椒、三角形粟米脆片零食、或墨西哥傳統食品夾餅 Taco。

當地最初的飲食文化以粟米、豆類和辣椒等,後來曾經係西班牙殖民地,歐洲人加入了許多食物種類例如各式各樣的肉類、牛油果、蕃茄等蔬菜,而「墨西哥飲食」仲喺 2011年被評為「人類非物質文化遺產」!

Ada 說吃墨西哥菜,就想起 Tacos,的確是。用粟米粉製成薄餅,放肉餡、蔬菜等捲成U字型,材料有牛肉、雞、豬肉、魚等任君選擇,可以說是國民的 signature 美食。

這天介紹了兩款 Tacos 給聼眾,先有「傳統墨西哥夾餅 (Taco) - 豬肉

中間是烤豬肉絲,配牛油果醬 (guacamole)、莎莎醬 (salsa sauce),就咁用手揸住食,比較惹味,似我哋炆五花腩下面的瘦肉絲。

另一款是蘭子比較喜歡的「傳統墨西哥夾餅 (Taco) - 魚柳

裏面是炸過的魚柳,配牛油果醬 (guacamole)、碎番茄粒 (pico de gallo)、紅洋蔥絲、沙律醬,有啲似食魚柳漢堡包,魚肉質地滑,味道酸咪咪,相對之下較醒胃。

兩款都附有蕃茄飯、炆黑豆同青辣椒蕃茄汁,都幾辣,可能因為黑豆都係飽肚之物,食完之後覺得超級飽!

同埋有個趣事係原來美國是有「墨西哥夾餅日」,就是每年的10月4日,美國加州相對有較多墨西哥人,夾餅口味亦多樣化,甚至有多家專售墨西哥夾餅的快餐連鎖店,可想而知這個傳統食物的受歡迎程度及代表性。

桂林哥問到當地有無啲比較貴價的菜式?我想就是烤肉吧!「墨西哥烤雞肉串

墨西哥烤肉可是西班牙殖民地時代下的美食產物,而家已變成當地人常吃的家常菜。吃時可點牛油果醬、酸乳酪、番茄辣醬等,同埋配墨西哥薄餅,就咁就可以成為大餐喇。食嘅時候最緊要豪邁,大啖大啖食,不拘小節,投入南美洲熱帶氣氛 XD


我覺得味道似厚肉的串燒沙嗲,當然沒有沙嗲味,取而代之是燒烤醬味。喺當地夏季是最熱衷吃烤肉的季節,烤雞會就咁喺戶外放在烤盤上烤,再配烤粟米、牛油果醬、莎莎醬同薄餅,成為一頓大餐。

最後送個沙律俾大家食,「凱撒沙律

大家無睇錯,原來凱撒沙律係起源自墨西哥!我今次配咗大蝦,食嘅時候感覺。。。終於有啲菜食吓啦!翻查網上資料,故事起源係喺1924年有位凱撒先生,係喺墨西哥做意大利餐廳老闆同廚師,有次餐廳耗盡了廚房內所有的食材,因此他用僅剩的材料,就製作出了凱撒沙拉,咁而家呢個食物都遍佈世界各地,大家都唔陌生。

今次傳統凱撒沙律有長條生菜、焗麵包粒、檸檬汁、蒜蓉、芥辣、橄欖油、黑胡椒、黑醋等,雪凍嚟食,味道不寡,酸酸辣辣,係熱帶夏天很醒胃嘅菜式,絕對啱墨西哥的氣候。


好喇,今集節目重溫:

https://www.rthk.hk/radio/radio1/programme/happydaily/episode/757863

大家繼續多多支持 FM92.6-94.4 RTHK 1 ,逢星期一至五,朝朝十點四,「開心日報」,下集見!👋🏻


若你喜歡此部落格,也請你 like 一 like 和 follow,感激!

沒有留言:

發佈留言

Related Posts Plugin for WordPress, Blogger...