龍少爺

2025年5月5日星期一

《YouTube 龍 Pink 開餐》【Ep 14 - 經典食堂】尋回傳統手工粵菜味道！師傅即場示範生炸黃金吊炸雞✨ 王家衛「繁花」仙鶴神針都有得食？花雕雞油蒸蝦兵蟹將！😍

今集「龍 Pink 開餐」【Ep 14 - 經典食堂】，同大家到油麻地走進廚房，睇傳統粵菜師傅即場炮製地道手工菜，食盡「九大簋」 ! 外皮酥脆黃金吊炸雞點樣用心機一下一下以手上皮淋油？🐔 香港十大名菜仙鶴神針做法好比廚藝的藝術品？🐦近年漸少見的八寶冬瓜盅、雞蛋焗魚腸、橙花蝦球等背後又有乜故事？今回不止品嚐粵菜的美，更是一雙巧手一輩子功夫 ! 😊即刻去片，用互動揭開每道時光的故事✨

《YouTube 龍 Pink 開餐》【Ep 13 - 國際食堂】尖沙咀正宗荷蘭菜！🇳🇱 脆炸牛尾肉波波係當地國民美食？😍 烤雞脆到食雞唔使𦧲骨？✨即煎荷蘭北海龍脷勁啱港人口味！

今集「龍 Pink 開餐」【Ep 13 - 世界食堂】，帶你到香港獨有荷蘭菜餐廳，體驗由識講廣東話荷蘭籍廚師主理傳統當地菜！🇳🇱 顛覆想像的白朱古力金莎鵝肝有幾驚喜？點解牛尾肉脆炸球係No. 1 美食？用足三日煉成的風乾烤雞，雞皮脆過薯片連雞趾雞骨都可以食埋？即煎北海龍脷魚落咗一滴乜嘢令到啱哂港人口味？十道菜式由前菜到甜品處處心思，即刻去片，帶你用味蕾環遊荷蘭！🌏😊 (睇到尾有壓軸彩蛋🎊)

《YouTube 龍 Pink 開餐》【Ep 12 - 貼地食堂】銅鑼灣隱藏潮州小店 ! $48 即炸普寧豆腐 😍 潮州粿物通通 $20起？牛腩河配鬆脆蠔餅超夾！

今集「龍 Pink 開餐」【Ep 12 - 貼地食堂】，同你親身體驗銅鑼灣隱藏小店，人均$150食地道潮州菜！✨ 外酥內嫩即炸普寧豆腐蘸韭菜鹽水有幾豆香爆棚？潮式牛三寶、鬆脆蠔餅配冰涼油柑汁可回甘解膩？煎手工韮菜粿、紅桃粿背後傳統你又知幾多？直落霹靂川椒雞的隱藏食法，配清心丸綠豆爽完美下火，通通即刻去片話你知！😊 (睇到尾有壓軸彩蛋🎊)

《YouTube 龍 Pink 開餐》【Ep 11 - 區區搵食】北角渣華道熟食中心點心粥品逆市價 ! 😍 人氣50年滷水鵝值唔值得排隊？

今集「龍 Pink 開餐」同你開心逛吃北角渣華道熟食中心！由新鮮出爐即製點心、鑊氣小炒、到平民價新鮮生滾粥，充滿街坊風情 🎊 50年老字號滷水鵝，生意好到由熟食中心搬到對面地舖依然大排長龍，值唔值得一試？有乜醒目貼士？最後食埋甜品，即刻去片，一齊貼地體驗由朝食到晚！🎉

【港島香格里拉酒店】鮮甜醇香 • 福建菜

很久沒有見兄弟 P 先生和他太太及兩位公子了。還記得10多年前和他們一家四口去澳門遊玩，他們兩位才10歲左右，現在最大的已經20歲，真的光陰似箭！

北角海逸酒店：$100 的「烤春雞」定 $220 的「海南雞飯」

平日到「北角海逸酒店」，多數都是飲茶，今天特意選擇來酒店2樓「Green Cafe」吃午餐。

啟德體育園：品嚐即點即蒸點心料理

放復活節長假期，終於第一次親身遊覽「啟德體育園」，看看展覽，也順道到「零售館」逛逛及吃午飯。

【食肆轉型故事】由新加坡海南雞飯・到胡椒豬肚雞湯

飲食業營運艱難，不少食肆也要諗計轉型或餸菜內容求生，帶給食客新鮮感，又要保持出品質素，這個我個人是很佩服。加上現在經濟環境動盪，不單止是食肆揸 fit人，一般顧客也未必有好心情或者預算去吃好的。

《YouTube 龍 Pink 開餐》【Ep 10 - 期間限定】港島香格里拉酒店自助餐 ✨任食日本直送大拖羅 x飛驒和牛 x 爆汁三文魚籽！必睇回本位！

今集「龍 Pink 開餐」帶你舌尖秒飛日本，品嚐港島香格里拉酒店「東瀛風味之旅」自助晚餐 🇯🇵 現切大拖刺身鮮味有幾震撼🐟？三文魚籽丼自由配之外仲有乜隱藏食法 🍣？飛驒和牛壽喜燒鐵板燒、蒸新鮮龍蝦、冷熱海鮮、一眾日式料理、中西菜餚及甜品，琳瑯滿目點先重點出擊精明回本？密切留意唔同平台有優惠啊 ✨睇片即刻話你知！