正所謂人走茶涼，物離鄉貴。。。「譚仔三哥」呢個本土品牌，終於在今年 3月31日正式登陸日本東京新宿。
Anyway，講吓店的背景。「譚仔」是香港的雲南米線食肆，有兩個品牌，一個叫「譚仔」，另一個叫「譚仔三哥」，是兄弟分裂出來變成的兩間不同食肆。
在香港有不少朋友都是譚仔跟三哥的粉絲，日日食都食唔厭，因為佢夠大眾化，價錢也不算貴，最出名應該係佢有不同辣度選擇，同埋服務員大多是帶有「鄉音廣東話」的阿姐。
估計佔香港雲南米綫市場達7成的「譚仔」和「譚仔三哥」，結果在 2017 年被「日本丸龜製麵母企日本東利多控股」全面收購，當時涉及108家分店，變成攞咗日本 passport。。。
之前見佢同日本「蠟筆小新」有 crossover 宣傳，唔知係咪都係同日本背景關係？個卡通可以話係同碗米線完全無關：
好，講咁耐，「譚仔三哥」在東京新宿店在3月31日開幕，聽聞排隊要排兩個鐘。「譚仔三哥」六種湯底在日本分店的官方名稱 :
麻辣 マーラー ma ra
番茄湯 トマト tomato
清湯 クリアスープ kuria su pu（Clear Soup）
酸辣 サンラー san ra
煳辣 ウーラー u ra
三哥酸辣 サムゴーサンラー samugo san ra
至於小食：
土匪雞翼 トーフェイ・チキン to fei chikin
蒜泥白肉 豚バラ チャーシュー にんにくのせ butubara chashu ninniku nose（五花腩 叉燒 蒜面）
原來用日文片仮名讀出嚟，已經有一種「譚仔阿姐」腔 (定係㗎妹腔？！)
#マーラー（麻辣）ma-ra-
#クリアスープー（清湯）kuria su-pu-
#ウーラー（煳辣）u-ra-
#トマト（蕃茄）tomato
#サンラー（酸辣）sanra-
#サムゴーサンラー（三哥酸辣）samugo- sanra-
隔空上網睇睇東京店開幕的情況：
東京新宿店裝修感覺好像與香港的中環店所差無幾？！總之店名都是簡稱「TJSG」就是了。
老實說，我個人麻麻哋鍾意食米線 (只是鍾意食酸菜)。是日路過中環辦完工作隨便入內醫肚，咁我唔會講話「扮去咗日本旅行」咁老土嘅，食米線咪食米線囉。。。既然緣份來到俾我碰到佢，隔離「蔡瀾 phó」又已經關門大吉，就入來重溫一下。
位置是以前「翠華」蘭桂坊照妖鏡店位，樓高兩層，好似旗艦店咁，應該唔平租，裝修也光鮮亮麗，反而唔係好慣。
「譚仔阿姐」依然係阿姐腔，食物類別也差不多，感覺是改變只在外表硬件個殼。
對本身是譚仔粉絲來講，未嘗唔係一件好事嘅，起碼坐得舒服咗，地方乾淨咗，勉強都叫有打卡位嘅。
清清地，「豬潤酸菜清湯米線」$42
呢排俾人激得多心血少，食返啲豬膶補吓血 (定係應該要食鴨血？！)
碗米線份量對我嚟講幾多，一碗作為午餐實夠飽，所以選擇少米線，可以減 $1 ：
尤其現在春天初夏，很容易令人無胃口，吃酸菜是蠻醒胃！
湯帶微酸，10小辣都無叫，清清地：
米線爽滑嘅 (不過始終由細到大我都麻麻哋鍾意食米線)：
小食方面，沒叫「土匪雞翼」，點了「蒜泥白肉」$28 刺激一下：
豬腩肉肉質柔軟，帶甚多肥脂，點這個就不要怕吃吧：
肉沾滿濃郁蒜泥及川椒辣油，辣而不嗆，肉質細嫩幼滑：
食到滿口蒜蓉「香汁」，變態地要興奮拍手掌啊 XD
快快哋一餐，趕時間，算係咁。唔知日本店的情況之後發展會怎麼樣？大家等着瞧吧！
「譚仔三哥米線」
地址：中環威靈頓街15-19號地下至2樓
電話：2712 9738
營業時間：星期一至日 11:00-21:00