我由幼稚園開始直至中七，都是讀何文田同一間學校，加埋十幾年，可以話整個讀書歲月都是在何文田。
記得以前小學是要在學校飯堂搭食，唔可以出街食 lunch；到了中學就可以自由出外吃喜歡的。有時為咗儲錢，可能食個包算數，手頭鬆動啲就會去已經關門大吉的老店「夏詺記」食碗魚蛋粉，或者到「奇香冰室」食名物 - 蕃茄炒意粉，津津有味。
上星期晚去了何文田一轉攞野，經過老地方就順便食埋飯，對上一次食「奇香」都已經唔記得係幾時。
原來依家改咗名做「新奇香」，當日去的都係熟客仔或街坊，一坐低就叫「炒牛走豆加蛋」，在枱頭摺餐紙的阿伯就行會埋嚟落單，仲中氣十足。
回味一下以前成日食的「鮮茄牛肉意粉加煎雙蛋」$34
唔加蛋的話，一碟只是 $30，午晚同價，晚餐來說可以話係好平。幾件蕃茄、用鬆肉粉嗱過的牛肉、一堆粗糙的港式茄汁意粉，撈埋蛋汁一齊食，不是珍饈百味，吃的是人情味及情懷。
另外叫了「公司三文治」$30，即叫即製：
多士熱烘烘，再有火腿、雞蛋、番茄、酸瓜等等，家庭式風味，味道不用我多形容 (相信大家都想像到)，好食的，加杯熱阿華田更 perfect。
因為食唔晒，要打包三件，廚房的煮餸阿姨非常好人，親自走出來幫我打包。佢話如果我用膠袋裝住就好易散晒，唔好食；佢細心地用牙籤督住每件三文治，再打包好給我拎走。
溫情小店。有個「新」字 ? 仍是老地方。
「新奇香冰室」
地址：何文田勝利道26號地下B舖
電話：2713 3209
營業時間：07:00-19:30