#Staycation 定 #Eatcation ?

Why not both? =)

晚市堂食在上星期五放寬七日去到晚上九點，對不少餐廳和鬱悶左在家裏的人都是一個喜訊，起碼在有限度的情況下可以在晚上外出唞唞氣。

講到尾，辛苦搵黎都係志在食。所以而家除咗有在本地酒店渡假的 #Staycation ，還有在本地餐廳有機會輕鬆食飯的 #Eatcation 。。。

我上星期五都諗住夜晚堂食，可以舒舒服服食餐好，點知夜收工，去到啲餐廳都差不多8:45pm，最終都係夠時間用15分鐘爬咗碟肥叉飯，絕對沒有 #Eatcation feel。。。

(小確幸是個例湯 - 青紅蘿蔔煲豬骨幾好飲)

回歸正題，希望疫情快點過去，雖然知道無可能完全能 100% 回復以往，也希望日常生活上能盡量回復正軌，在生活中找到甜。

係，無錯，早前我又去咗新世界集團旗下的「香港九龍貝爾特酒店」渡過了週末的 #Staycation，住得同樣很舒適，又可減減壓，感謝酒店打骰人好友 M 小姐！

今次再搭多個 #Eatcation，在酒店的「EatStreet」重溫這個無敵的海南雞飯。 

有時我會懷疑自己可能係因為個海南雞飯，而再來這間酒店住。不過無所謂啦，總之支持及覺得愉快就好了。

今天送的中式老火湯是「蓮藕冬菇煲唐排」

依舊湯料足，清甜無味精無添加，只用鹽去吊出食材天然甜味：

雞則是師傅先將之浸熟，即過冷水泡冰，讓雞皮變脆，雞皮與雞肉中間就會出現透明啫喱，而且是一煮熟馬上便要泡：

此雞出品肉滑，皮下層啫喱滑嘟嘟，上湯滲進入雞肉，無骨啖晱肉。毫無懸念，仍時我心目中的冧巴溫：

食完返房間睇電視，YouTube 休息 relax，就這樣過了一晚。或許在未能飛去外地旅行的今天，唯有靠 #Staycation 加 #Eatcation，自我作樂和慰藉一番。

「香港九龍貝爾特酒店」
地址：新蒲崗六合街19號香港九龍貝爾特酒店1樓 (港鐵鑽石山站 A2 出口, 步行約8至10分鐘)
電話：3112 1998
營業時間：07:00 – 01:00

若你喜歡此部落格，也請你 like 一 like，感激！

https://www.facebook.com/siuyeahdragon