食$68蚊水煮牛肉，定買$68萬一幅畫？

繼續返「麻辣酬賓週」系列先，呢間新店在尖沙咀地舗，路過入來食晏。此店除了水煮、麻辣之外，仲有孜然羊肉、蔥爆牛肉等等，都係重口味嘢。

店子內地氣息甚濃厚：

枱面像一個個玻璃櫃，裏面擺放了皮影公仔、古代飾物之類。個人覺得像入了神廟，有一絲絲恐怖感。。。

旁邊有一系列可以給人買走的東西。作為店的裝飾還 OK，貼埋價錢出嚟俾人買，價錢牌手寫簡陋，感覺就有點奇怪。例如隨便一幅畫賣 HK$680,000 (係，你冇睇錯)，可能會令一眾入來食個快飯的 OL 港男港女驚訝：

一把摺扇 HK$280。大家會買嗎？

我路過入來食 lunch 就唔會考慮買咁大幅同咁貴嘅畫。點拎？？要帶支票簿食 lunch？？藝術嘅嘢，我食條鐵咩 XD

部份侍應完全不懂廣東話，要用普通話溝通，服務還是OK的。Well，食嘢先。

「宮爆雞丁飯」$58

味道以豆瓣醬作主導，將雞髀肉粒，京蔥、洋蔥、青椒、紅椒絲爆炒，呢啲小菜真係要配白飯吃：

一大碗「水煮肥牛」$68

送白飯一客。水煮的辣度可以調整，這個是正常程度。味道是辣比麻強，有別於之前一向食開的，調味頗鹹，貫徹重口味風格。

肥牛似任食打邊爐平的「美國肥牛」質素，不是我杯茶：

反而裏面的幼葛粉 / 薯粉條幾特別，灰色極之煙韌。侍應說是由內地運來的，在哪個省份卻就不清楚。淘寶有無得淘？

「宮爆里脊飯」$56

味道和雞丁一模一樣，只是換了豬里脊肉，即是大家熟悉的 Tenderloin。它是豬脊椎骨內側的條狀嫩肉，通常都是用來炒，質感似不帶骨的豬扒肉。

太重口味，想叫個蔬菜吃。「清炒萵筍」$78，在 menu 上的樣子：

實物上枱時，對比餐牌，有些走樣？唔係一絲絲，而係一條條，調味都係比較重手，太鹹：

加 $7 要了杯「桂花蜜」：

全店不收加一。大家想食重口味麻辣，唔太貴，可以邊食邊欣賞畫作的話，可以來這裏。你會用 $68食個水煮菜，定用 $68萬買幅畫？任君選擇！

「香港鴻興隆 - 中華菜館」

地址：尖沙咀堪富利士道10號地舖

電話：2567 8518

營業時間：10:30-00:00

若你喜歡此部落格，也請你 like 一 like，感激！

https://www.facebook.com/siuyeahdragon