分享一下剛剛在 RTHK 1 開咪做的「開心日報」，今集拍檔有超人、Ada、桂林哥，主題是「皺皮腸粉」。
一開題，大家都話腸粉係香港人嘅至愛，Ada仲話諗過買部機在屋企自己整腸粉！
咁港式布拉腸粉，的確係由細食到大，而「今期流行」的就所謂「皺皮腸粉」，源自潮汕、台山一帶：
其實呢隻腸粉並唔係咩新發現，我第一次食是十幾年前在廣州「上下九」。嗰朝早同標爺在直播室外面傾咗幾句，原來佢都係喺大陸食過，盛惠三蚊人仔，真係又平又美味。
在香港，我先介紹這款「台山派」的皺皮腸；
它是用櫃桶式鋼盤將米漿及配料蒸好，然後鏟起粉皮，將之扭成麻花狀：
其貌不揚，卻比一般布拉腸粉更有米香，來得煙韌。加上全部即叫即做，標榜石磨米漿，襯上店家配搭的醬油汁，例如呢間在土瓜灣的店，豉油是加了指天椒及香蒜，惹味：
簡單的「雞蛋生菜腸粉」
貴林哥即場問了一條我都無諗過的問題：「嗰四格櫃桶，其實有無分別呢？」
我想是有的，例如我食第二碟「韭黃豬膶腸粉」，個姐姐就放在下層嘅櫃桶，可能因為較受熱，而豬膶屬較難熟的食材，若只蒸一、兩分鐘的話，放下層蒸就更理想：
豬膶鮮嫩，不會過熟：
另一個我喜歡此腸粉是有多層皺皮，黏性重，學超人話齋，質感幾似吃陳村粉，又好索豉油汁：
Ada 問到另一類「潮汕派」。這是我在旺角食的，賣相明顯不同，是包成圓形似 UFO，我挑了生菜及潮州蠔仔做餡：
若以汁料計，我更喜歡這個，明顯冬菇味較香，及無咁鹹：
同場加映潮州「牛肉丸湯」，要 $40，不算便宜：
牛丸明顯有氣孔。其實打好的牛肉，要以人手唧出才會有氣孔，亦會更爽口彈牙：
查實十多年前，很多牛丸已由全人手做轉為半人手半機器，因為手打效益太低，一次通常只可打5、6斤，現在機器可以做 100斤，相差超過十倍效益。
最後超人爆咗個以前舊式茶樓做「山竹牛丸」的方法，點解可以咁鬆軟同好味呢？俾我開口估仲咗，原來係用腳踩！！！呢啲真係「當年娛樂事」，而家因為衛生及觀感問題，相信已無酒樓會用咁重口味方法去做牛肉 XD
好喇，今集分享到此為止，有無勾起你的食慾，想食番碟腸粉呢？節目重溫：
https://www.rthk.hk/radio/radio1/programme/happydaily/episode/557422
大家繼續多多支持 FM92.6-94.4 RTHK 1 ，逢星期一至五，朝朝十點四，「開心日報」，下集見！👋🏻
