琴日聽收音機新聞，又有位市民不幸在電話騙案中招，她收到所謂速遞公司的電話，然後轉駁咗去所謂內地公安，所有都是騙徒假扮，最後事主被騙𣾀了港幣60幾萬給騙徒。
(圖文不符)
其實騙案自古以來層出不窮， 由 2000年賣「千年蟲杜蟲藥」、之後甚麼「性交轉運」都有人上當。假郵局假銀行假蛋假鹽假米，你諗唔到的佢都諗到。
不是在受害者上灑鹽巴。只是有時我會想，不論「警訊」、報紙、新聞、電視電台廣告都有不停提醒市民提防騙案，朱咪咪都在收音機呼籲各位不要隨便與陌生人「裸聊」啦，為何仲有人大嗱嗱存咁多錢俾陌生人？是騙徒花言巧語勁？受害者太易信人？疑似身有 X？我唔知。這要留俾有關方面破案。
騙案從來不是世間新事，但真心希望悲劇不會再重演。各位小心小心小心！