金話莓系列 (十一) Chill Café Bar & Grill

通常食完一餐飯，如果有衝動即刻寫，一係就滿滿驚喜，一係就難食。好不幸，今次是後者。。。

金話莓系列 (十) 海南雞飯專門店 ?

又要說下故。話說有日我要出「旺角電腦中心」，買拍攝錄影器材，順道食個快飯。

2018-05-19 金話莓系列 (九) 波士頓

如要大家秒答，港式西餐令大家想起甚麼，相信會有「鐵板餐」？「咋一聲」？定係「成身油煙」？

2017-04-23 金話莓系列 (八)「無敵家」

雖則說，味道好壞見仁見智。有餐廳大排長龍，有的劣評如潮，背地裡總有點原因？！

2016-10-25 金話莓系列 (七)：一堆圖文不附 / 千奇百怪劣食 (不喜勿入)

金話莓系列又重出漿糊。。。隨便查一下手機，好吃的相片多，劣食也不少。每日食咁多嘢，又點會餐餐頂呱呱？隨便分享幾間。

第一間好似是在旺角 ?! (查實以下店子我都不太記得店名，亦唔想記。。。)，行過見到寫住「湯底不含味精」，牛腩賣相又不錯，就入內叫碗牛腩麵醫肚。

2016-03-01金話莓系列 (六) 食好西？

《金話莓系列》重出漿糊。。。有時好食寫吓，唔好食又寫吓啦。好不幸，這篇是後者。

2015-03-18《金話莓系列》: All Day Breakfast - Café Two

《金話莓系列》重出漿糊。。。是咁的，話說小弟上個月做幕後搞了一個 event，令到同事「德福阮小儀」在台上一炮而紅，現在人氣急升，無人不曉她喇，哈！

2014-11-06 金話莓系列：近來吃過一堆頹飯 (下)

翻查一下手機的相片，原來鄙人也捱過了不少頹飯，所以我都唔知呢一篇算唔算係最後一集。。。承接相關舊文 (2014-10-10 金話莓系列：近來吃過的一堆頹飯 (上), 2014-10-16 金話莓系列：近來吃過的一堆頹飯 (中))，繼續去片。。。

實在很難想像這是我當年喜愛吃的銅鑼灣車仔麵「X記」，招牌辣汁的味道退步了，賣相同樣是亂糟糟。。。我要了牛腩、豬大腸及生菜加辣汁，大腸有怪味，一上桌已經倒胃口了吧。。。

2014-10-16 金話莓系列：近來中午吃過的一堆頹飯 (中)

承接相關舊文 ( 2014-10-10 金話莓系列：近來吃過的一堆頹飯 (上) )，睇嚟大家對我的中午飯好有興趣咁噃。。。咁就唔好俾佢停，「佳麗」們真係多到一籮籮。

「香草忌廉汁焗豬扒螺絲粉」

我覺得這餐廳的焗爐好有問題，經常全部焗到乾晒，連D醬汁都被焗到「抆抆緊」，豬扒是全瘦，柴皮一樣，如老婦臉一樣乾。

「俄國雞柳絲飯」

叫咗「扣底」，都仲係俾咁多飯，熒光橙的汁絕對是亮點。究竟俄羅斯有冇俄國X柳絲飯呢？Who cares。。。我淨係知道好難食。

「大窿芝士豬扒焗珍珠米」

某程度上我是想睇下芝士有幾大個窿，但現實與我想像中似乎有一段距離。。。茄汁肉醬泛濫，芝士碎少得像餵龜，大家見到有窿咩？！

「粟米魚柳焗飯」

2014-10-10 金話莓系列：近來吃過的一堆頹飯 (上)

咳咳，應該咁講，我平日的飲食習慣是不太健康的，好多時好吃及豐富的都會是晚餐，中午就吃得比較求其，通常都是附近的快飯，食完之後就爭取時間工作搞哩搞露。

「焗里斯本雞球珍珠飯」

漂亮的名字，令人有所期待，揭曉原來是椰汁氾濫的葡國雞飯，再加兩舊芋頭做茄哩啡，難食！情況就好似看背面幾靚女，正面通常都。。。

「黑椒德國腸煎雞扒飯」

見到碟飯唔知點解我諗起「監獄風雲」。。。雞扒有半個iPhone 5的大小，好大塊啊。至於碌香腸？我覺得「廚師腸」仲好食過佢。

「招牌薰蹄飯」

不知道招牌在哪，薰蹄好肥又冇味，我要另外加薑蓉先食得落喎。

「芝士茄汁焗雞扒飯」

2014-09-24 金話莓系列：意大利菜Cenacolo

其實我一向對中環Soho的餐廳印象一般，覺得有些又貴又質素平平，而且很 business lunch feel，食 lunch 平過食 dinner，識食的一定會揀食lunch。。。

即管問下大家，你心目中差的餐廳是怎麼樣？上菜慢？漏單？唔好食？環境嘈吵？不幸地，呢間嘢全部中晒。

話說上星期與好友 farewell，主人家選擇了這間餐廳。我一入到這間店舖，就覺得非常嘈吵，尤其是坐在我們背後的一枱日本客人，說話非常大聲，令我感覺似去咗「新斗記」咁。。。

另一個問題是這間餐廳的燈光非常昏暗，又沒有窗口，給人的感覺是沒錢開燈，多過甚麼浪漫氣氛，成間餐廳黑媽媽，連餐牌也看不太清楚。。。原有光暗度的 Sangria 照片：

(以下相片都有調光了)

頭盤我們點了好幾樣，「Toasted Country Bread with Olive Oil, Tomatoes and Basil」$58

正常，這個沒有投訴，價錢也合理。

「Foie Gras」$108

藍莓太多汁了吧？！我是完全吃不到鹅肝的味道及外脆內軟的質感。

「French Blue Mussels in White Wine, Garlic, Lemon and Touch of Chili」$168

可能是落了太多檸檬汁的關係，我覺得它的味道似泰國菜，但又配合白酒汁，有點兒三不像。

主菜我們等了非常之久，三催四請，終於上場。「Ai Funghi Pizza」$118

是一項最普通的意大利Pizza，只有番茄醬、芝士、蘑菇等等。不知是否已經焗起了，但等了很久才拿出來，它沒有我想像中熱辣辣，熔了的芝土也有點兒涼了。。。

原本叫了一隻「燒春雞」$169，是這裏的 signature，某程度上也是為它而來，但侍應竟然漏了單！要我們再等三十分鐘，由頭燒過喎，我哋梗係唔會等啦，最後經理用了雞胸補數：