2014年10月16日星期四

2014-10-16 金話莓系列:近來中午吃過的一堆頹飯 (中)


承接相關舊文 ( 2014-10-10 金話莓系列:近來吃過的一堆頹飯 (上) ),睇嚟大家對我的中午飯好有興趣咁噃。。。咁就唔好俾佢停,「佳麗」們真係多到一籮籮。

香草忌廉汁焗豬扒螺絲粉




我覺得這餐廳的焗爐好有問題,經常全部焗到乾晒,連D醬汁都被焗到「抆抆緊」,豬扒是全瘦,柴皮一樣,如老婦臉一樣乾。

俄國雞柳絲飯




叫咗「扣底」,都仲係俾咁多飯,熒光橙的汁絕對是亮點。究竟俄羅斯有冇俄國X柳絲飯呢?Who cares。。。我淨係知道好難食。

大窿芝士豬扒焗珍珠米




某程度上我是想睇下芝士有幾大個窿,但現實與我想像中似乎有一段距離。。。茄汁肉醬泛濫,芝士碎少得像餵龜,大家見到有窿咩?!

粟米魚柳焗飯





我覺得它是味道不錯的,貨真價實也有做到,粟米汁多到呢。。。可以用來撈兩碗飯。

三餸飯




這個類似「廚餘」的物體,簡直是減肥的恩物,打開見到已經飽曬。。。三餸是蒸肉餅、粉絲蒸蛋及炒椰菜。好正啊。

好啦,今日講住咁多先,要寫真係仲有排寫,下回待續!




若你喜歡此部落格,也請你 like 一 like,感激!

沒有留言:

發佈留言