以前讀生物科 Biology,人的腦袋有「條件反射」,一講 A 你就自不然諗起 B,例如:
鼎泰豐 - 小籠包
麥當勞 - 漢堡包
翠華 - 奶油豬
肯德基 - 炸雞
鏞記 - 燒鵝
安仔 - ________ (閣下自己填⋯⋯)
「鼎泰豐」已經食過 N 次,台灣、香港都有。翻查紀錄,原來我從未在 blog 上寫過,那就來一篇好了。
這個台灣品牌,現在已經遍地開花,世界各地都有分店:
香港現有四間分店,之前尖沙咀分店攞過米芝蓮一星, 之後好像水準不太穩定。
今次再來尖沙咀分店,見到師傅們在做小籠包和各式點心:
今晚四人飯局。條件反射,先來一籠「小籠包」$62
若硬比較的話,「鼎泰豐」水準真的一時時;「小南國」的不夠多汁; 「南翔小籠包」的皮太厚 (這是它的特色,但我個人麻麻),數落還是「翡翠」 最皮薄多湯汁,肉餡也是吃得出是滑的。
今次「鼎泰豐」做的不錯,皮薄與多汁都有做到,溫度也夠熱:
「蝦仁燒賣」$84,又係多汁的點心料理:
一咬爆汁;我覺得某程度我們的口味被寵壞了, 好像什麼點心都要皮薄爆汁先叫好食。其實是這樣的嗎?
「紅燒牛肉麵」$88,牛筋牛肉各有兩、三件:
牛肉做得不錯,雖不是牛肋肉條, 用一般橫切牛𦟌,炆得腍也入味,肉質算鬆軟:
我的「蔥油拌麵」$52
爽身麵條撈上用蔥炸過的油,再撈黑醬油和蔥抓, 甚具濃油赤醬的神粹:
「排骨湯麵」$68,嚐了少許,肉帶強烈胡椒香, 排骨略嫌太乾瘦:
「蒜蓉炒A菜」$68。若果無記錯,當年 A 菜也是由台灣流行過來的,對嗎?
「豆沙小籠包」$48,不算是我很喜愛的東東:
豆沙比較乾;正確點說,係成舊都很乾,似在吃「誠實豆沙包」。 味道沒走樣,甜度剛好,純粹個人口味,非君所好。
最後女友人點了「杏仁豆腐花」$42
整體水準中上,有瑕疵,總算瑕不掩瑜。如果要揀的話, 除了小籠包,我會揀 - 蔥油拌麵。你呢?
「鼎泰豐」
地址:尖沙咀廣東道30號新港中心3樓306號舖
電話:2730 6928
營業時間:星期一至日 11:30-23:00